Патниот правец Маврово – Дебар е попречен со големи одрони.
Од АМСМ информираа дека во непосредна близина на манастирот Бигорски се одронила поголема карпа.
Патот е пренасочен преку бензинската пумпа, а одронот ќе биде расчистен во текот на денот.
Другите патишта во земјава се влажни, а особено внимание при возењето е потребно на делниците што минуваат низ клисурите и низ засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово, каде е можна почеста појава на одрони.
Од АМСМ препорачуваат да се вози со прилагодена брзина и да се почитува сигнализацијата.
