Германската амбасада во Македонија денеска преку соопштение ги повика политичките партии целосно да го имплементираат Договорот од Пржино и да се спроведат фер и демократски избори.
„Спогодбата од Пржино и понатаму е во функција и мора целосно да се спроведе. За жал, притоа, сè уште постојат значителни одложувања во многу области. Оставката на премиерот и изборите се два од неколкуте важни составни делови. Овие избори мора да бидат веродостојни и инклузивни. Тоа може да бидат само доколку сите партии се уверени во тоа дека ќе добијат исти можности и шанси“, стои во реакцијата на германската амбасада по изборот на техничката влада и по одлуката на СДСМ да не учествува на изборите.