Европската Унија денеска од Грција ќе врати во Турција 308 мигранти што не ги исполнуваат барањата за добивање статус на заштита, соопшти Европската комисија.
Од комисијата прецизираат дека враќањето на мигрантите ќе биде извршено со целосно почитување на основните човекови права.
Враќањето на незаконските мигранти е во планот за заеднички акции меѓу ЕУ и Турција. Мигрантите се, главно, Турци, Мароканци и Алжирци.
ЕК соопшти дека тој чекор е јасен знак за тие што не подлежат на заштита дека ќе бидат вратени назад во матичните држави.