fbpx

Ендру Тејт и неговиот брат се приведени во Романија по налог на Велика Британија

Тејт и неговиот брат Тристан биле приведени вчеравечер под обвинение за сексуални престапи и експлоатација на луѓе во периодот меѓу 2012 и 2015 година, што тие ги негираат

-

Онлајн инфлуенсерот Ендру Тејт и неговиот брат Тристан се во 24-часовен притвор во Романија, по британска потерница, изјави нивниот претставник за односи со јавност, а пренесоа неколку светски медиуми.

Гардијан јавува дека апелациониот суд во Букурешт денеска ќе одлучува дали ќе ги екстрадира браќата во Обединетото Кралство.

Тејт и неговиот брат Тристан биле приведени вчеравечер под обвинение за сексуални престапи и експлоатација на луѓе во периодот меѓу 2012 и 2015 година, што тие категорично ги негирале.

Романската полиција соопшти дека европските налози за апсење на двајцата мажи биле издадени од британските институции, односно од судот во Вестминстер.

Ендру Тејт и неговиот брат живеат во Романија каде ги очекува судење по обвиненијата за силување, трговија со луѓе и формирање криминална банда за сексуална експлоатација на жени. Браќата ги негираат сите обвинувања.

Во романското обвинение објавено во јуни минатата година, покрај браќата Тејт, беа именувани и две романски соработнички, а идентификувани се седум наводни жртви.

„Оваа збунувачка обнова на децениските обвинувања ги остави браќата Тејт длабоко вознемирени. Тие категорично ги отфрлаат сите обвиненија и изразуваат длабоко разочарување што ваквите сериозни обвинувања воскреснуваат без суштински нови докази“, соопштија од ПР тимот на Тејт.

Британско-американскиот поранешен кикбоксер Ендру Тејт собра значителен број следбеници на социјалните мрежи. Претходно му беше забранет пристап на различни платформи поради изразување на мизогени ставови и говор на омраза.

Тинејџери од Романија раскажуваат како им пристапил контроверзниот инфлуенсер Ендру Тејт

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(Видео) Пожарникарите и цивилите заробени на Огражден се евакуираат со хеликоптер

Градоначалникот на Општина Ново Село, Ѓорѓе Божинов, пожарникари од струмичката противпожарна бригада и неколку граѓани попладнево се нашле опколени од огнените јазици на планината Огражден каде што во моментов...