Апсолвентска свеченост по повод 20 генерација студенти на Државниот универзитет во Тетово, се одржа денеска во дворот на оваа високообразовна институција. Кон присутните, пригодни обраќања имаа претставници од Министерството за образование и наука, од ректоратот, како и студенти.
Од сите 11 факултети што функционираат во состав на универзитетот, евидентирани се околу 1.500 апсолвенти, додека на свеченоста присутни беа близу 900. Церемонијата беше збогатена и со музичка програма, а заврши со традиционалното фрлање на капите во воздух од страна на апсолвентите.
