Европската унија денеска ги продолжи рестриктивните мерки за тројцата украински државјани кои се осомничени за финансиски измами за време на владеењето на поранешниот претседател Виктор Јанукович, објави службениот весник на Европската унија.
Во службениот весник на ЕУ се наведува дека се продолжени санкциите за поранешните министри Олена Лукаш и Дмитриј Табачник, како и за бизнисменот Сергеј Кљујев.
На „црната листа“на ЕУ до март следната година ќе остане и Јанукович, неговиот постар син, двајца поранешни украински премиери, како и уште 14 Украинци.
Украинските власти тврдат дека Јанукович и неговите соработници за време на четиригодишното владеењето проневериле најмалку 30 милијарди долари од државниот буџет.
