Не е исполнето изборното ветување за 2020 година на Демократската унија за интеграција (ДУИ) за изградба на осум спортски сали за основните училишта во Тетово. Од осумте ветени спортски сали изградена е само една, пренесува Порталб.мк.
Во изборната програма 2020-2024, на последните парламентарни избори со која
настапуваше ДУИ, во делот за капиталните проекти во образованието се спомнува изградбата на осум спортски сали во основните училишта во Тетово.
Според програмата, спортските сали кои требаше да се градат во 2020 година, а кои требаше да бидат готови до 2024 година се за овие училишта: „Братство Миѓени“, „Андреа Савески Кикиш“, „Кирил и Методиј“, „Лирија“, „Наим Фрашери“, „Истикбал“, „Рилиндја“ во Селце и „Ѓерѓ Кастриоти“ во Џепчиште.
Денес, четири години подоцна, не се изградени седум од овие спортски сали. Спортската сала е изградена само во училиштето „Андреа Савески Кикиш“ во кое најголем дел од учениците се македонци.
Порталб.мк се обрати до ДУИ со прашање зошто не се изградени другите сали, но одговор не добивме.
Објаснување побаравме и од Министерството за образование и наука (MOН), но ниту од оваа институција не одговорија на новинарските прашања.
Учениците и наставниците од овие училишта недостигот на спортските сали најмногу го чувствуваат во есен и зима кога часовите по физичко образование мора да ги одржуваат внатре.
