Нова осуда за инцидентите на Идомени дојде од потпаролот на грчката влада, Олга Геровасили, која ја критикуваше македонската влада дека довела во ризик група на очајни бегалци, меѓу кои и многу деца.
– Наш итен приоритет е празнењето на Идомени. Владата истакнува дека инцидентите, како тие завчера од безбедносните сили на БЈРМ кон очајните бегалци и мигранти, меѓу кои има и мали деца, претставуваат сериозен ризик – истакна Геровасили на денешниот брифинг со новинарите.
Геровасили истакна дека грчките власти континуирано ги информираат бегалците дека балканската рута е затворена. Најави дека целта на грчката влада е до или кусо по Велигден сите бегалци од Идомени да бидат преместени во бегалските центри низ земјата.
Денеска од Идомени заминаа три-четири автобуси со бегалци во бегалските центри низ Грција.
Владината потпаролка истакна дека полека се одвива и процесот на разгледување на барањата за азил, најавувајќи дека првите резултати ќе бидат познати за околу 15 дена, кога ќе може да почне и вториот дел од договорот, односно испраќање на бегалците во европските земји кои ќе им одобрат азил.
