Нафтените деривати од ноќеска ќе имаат нови цени, по последната одлука што ја донесе Регулаторната комисија за енергетика и водни услуги (РКЕВУ).
Малопродажната цена на Еуродизелот се намалува за еден денар за литар, па дизел горивото од вечерва ќе се продава по цена од 80 денари за литар.
Поевтинува и Екстра-лесното масло за домаќинство и тоа за половина денар, па од ноќеска ќе чини 80 денари за литар.
Од друга страна, со најновата одлука на Регулаторна, цените на бензините се зголемуваат. Еуросупер БС-95 ќе поскапи за еден денар, па од вечерва ќе се продава за 87,5 денари за литар.
За денар и половина поскапува Еуросупер БС-98, од кој литар ќе чини 90 денари.
Новата цена на мазутот изнесува 46,025 денари за килограм.
