Надворешната канцеларија за криминалистички работи Делчево поднела кривична пријава против 47-годишен жител на градот, кој е осомничен дека од локална фирма земал техничка стока на име на друга фирма во која воопшто не бил вработен, информира полицијата.
Според пријавата, делчевецот Д.М. (47) се товари за кривичното дело измама.
Како што информираат од полицијата, осомничениот, во периодот од април 2013 до јули оваа година, измамил двајца вработени во делчевската фирма „Брегал“. Тој им се претставил како вработен во фирмата „Хлоб трејд“ од Русиново и во седум случаи ги навел да му издадат разна техничка стока во вредност од 205.792 денари или околу 3.300 евра и да ја фактурираат на име на фирмата во која, наводно, работел.
Според полицијата, стоката тој воопшто не ја однел во „Хлоб трејд“, туку ја задржал за себе.
