fbpx

Бугарското ВМРО ќе ја напушти владата ако Софија ја поддржи Македонија за членство во ЕУ

-

Бугарскиот вицепремиер за јавен ред и безбедност и министер за одбрана, истовремено и претседател на бугарската политичка партија ВМРО-БНД, Красимир Каракачанов, викендов порача дека тој и неговата партија нема да го поддржат членството на Северна Македонија во ЕУ. Тој побара истиот став да го усвои и владата на Бугарија, а во спротивно неговата партија ќе ја напушти владејачката коалиција.

Каракачанов рече дека основа за таквата одлука е тоа што Северна Македонија не го исполнувала Договорот за добрососедство со Бугарија во делот за „чистење“ на спорните историски прашања, или, како што вели тој „сите фалсификати од историјата на бугарскиот народ во Северна Македонија“.

-Единственото правилно решение е да излеземе со став на владиниот кабинет. Оценуваме дека Северна Македонија не направилна доволно за исполнување на договорот меѓу двете држави и поради тоа не сакаме да ја поддржиме. Не сакам да поставувам услови, но мислам дека ова е основата. Ако не се постигне согласност, моите колеги во парламентот ќе ја напуштат власта – порача Каракачанов.

Каракачанов изјавата ја даде спроти денешната консултитативна средба со Владата, која ја свика претседателот на Бугарија, Румен Радев. Меѓу владините претставници е и Каракачанов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Законот за реорганизација на министерствата го поддржаа 88 пратеници, меѓу кои и од ДУИ

Не е вистина дека за измените на Законот за организација и работа на органите на државната управа, предложен од Мицкоски, гласале 81 пратеник и дека истиот не добил поддршка...