Бројот на загинати лица во самоубиствените бомбашки напади што ги извеле двајца мажи во Анкара се зголеми на 97, се вели во соопштението од канцеларијата на турскиот премиер Ахмет Давутоглу.
Турските власти соопштија дека полицијата уапсила четворица осомничени припадници на Исламска држава во рацијата што ја спровеле во турскиот град Адана.
Во соопштението не е наведено дали апсењата се поврзани со самоубиствените бомбашки напади на плоштадот на кој учесниците бараа да се стави крај на конфликтот со курдските сепаратисти.
Сè уште никој не ја презема одговорноста за нападите.
Турската влада, која прогласи тридневна жалост, нападите ги оцени како терористички.
