Турски рибар во градот Бодрум пронашол тело на четиригодишно сириско девојче кое се удавило при обид да стигне до територијата на Грција.
Судбината на девојчето е речиси идентична со момчето Ајлан Курди, чие безживотното тело, исто така, беше пронајдено во Бодрум во септември годинава.
Девојчето е идентификувано како Сена и нејзиното тело е пронајдено меѓу карпите во близина на малиот остров Каталада, а ја пронашол рибар, објави турскиот весник „Хуријет“.
Рибарот ги известил надлежните, а припадниците на граничните служби го презеле телото на малата Сена.