Министерката за сообраќај на Белгија, Жаклин Галан, денеска поднесе оставка откако во јавноста протече таен извештај на ЕУ во кој се наведуваат безбедносните пропусти на аеродромот, по терористичките напади во Брисел, во кои загинаа 32 лица.
Премиерот Шарл Мишел денеска соопшти дека по разговорите со неа, „министерката му поднела оставка на кралот, а кралот ја прифатил“.
Две опозициски белгиски партии објавија доверлив документ на ЕУ од минатата година. Во него се наведува дека безбедносните мерки на бриселскиот аеродром и начинот како се вршени безбедносните проверки имаат недостатоци.
Во нападите од 22 март на аеродромот и на метро-станицата во белгиската престолнина загинаа 32 лица, а одговорноста за нападите ја преде Исламска држава.