Претседателите на ДУИ и на СДСМ, Али Ахмети и Зоран Заев, денеска имале средба од половина час на која разговарале за актуелната ситуација, за општата амнестија на политичарите што ја потпиша претседателот Ѓорге Иванов и за негова оставка.
Ставот на двете партии е дека одлуката за аболиција од претседателот Иванов треба да биде отповикана.
Лидерот на ДУИ денеска ја потпишал и иницијативата за отповикување на Иванов од претседателската функција.
Ахмети денеска претходно се сретнал со амбасадорите на САД, Џес Бејли, и на ЕУ, Аиво Орав.