Белгиските власти соопштија дека уапсиле двајца осомничени за терористичките напади во Париз.
Претставник, кој побарал да остане анонимен, бидејќи се подготвува официјално соопштение, изјавил дека едно од лицата е приведено на националниот аеродром во Брисел, додека се обидувало да се качи во авион за Мароко.
Според наводите на претставникот, уапсениот веќе двапати се обидувал да отпатува во Сирија.
Другото лице е уапсено за време на полициска рација.
Претставникот не открил повеќе детали.
Белгија сега во затвор држи вкупно осум осомничени за поврзаност со париските напади или евентуалните напади во Брисел.