Патнички авион на компанијата „Американ Игл“ удрил во елен при обидот да полета од аеродромот во Шарлот, во Северна Каролина.
Пилотот после судирот прогласил тревога, го откажал летот и го вратил авионот пред зградата на аеродромот, соопшти американската Федерална управа за авијација.
– Од леталото протекло гориво поради оштетување на резервоарот на крилото, предизвикано од ударот во елен, рече портпаролката на авиокомпанијата – Кејти Коди.
На снимките кои ги објавија локалните телевизии се гледа оштетување на десното крило, како пожарникари кои превентивно го прскале авионот со пена.
Ниту еден од 44 патници и четворицата членови на екипажот не се повредени.
VIDEO American Airlines Flight #AA5320 emergency landing after deer impacted the right wing during takeoff at Charlotte, NC. (15-FEB-2017). pic.twitter.com/2vvpgjFEIa
— Air Disasters (@AirCrashMayday) February 15, 2017
