Обединетите нации (ОН) соопшти дека работата на нивните хуманитарни работници е сериозно попречена поради наредбата за евакуација на градот Деир ал-Балах од страна на израелските сили, пренесува Гардијан.
По неколкумесечната окупација на градот Рафах, Деир ал-Балах служеше како центар за здравствените и хуманитарните работници. Израел нареди населението во Деир ал-Балах да се евакуира, за да нивните сили можат да ги довршат своите тактички операции, односно да таргетираат инфраструктура на Хамас.
Според ОН, на најмалку 15 згради во кои работеле ОН им било наредено да се евакуираат. Сепак, од ОН истакнуваат дека нивната работа не е целосно прекината – продолжува да работи преку локалните населенија.
Истовремено, Светската програма за храна на ОН информира дека наредбите за евакуација ја попречуваат работата на нивните центри, кои се клучни за снабдување на регионот со храна.
Реакции против евакуацијата имаше и од вработените на болницата Ал-Акса. Тие апелираа да им се дозволи на стотина пациенти да останат во болницата и истата да не биде мета на израелските пушки и авиони.
