За половина денар од полноќ ќе се зголеми малопродажната цена на Еуродизел и ќе изнесува 81 денар за литар, соопшти Регулаторната комисија за енергетика и водни услуги (РКЕВУ). Со новата одлука се врши зголемување на малопродажните цени на нафтените деривати во просек за 0,18 отсто во однос на одлуката од 16.12.2022 година.
Малопродажната цена на екстра лесното масло за домаќинство се зголемува за 0,50 денари за литар. Малопродажната цена на мазутот се намалува за 0,137 денари за кг, а малопродажните цени на бензините Еуросупер БС-95 и Еуросупер БС-98 не се менуваат.
Еуросупер БС – 95 и понатаму чини 76 денари за литар, цената на Еуросупер БС – 98 останува 78,5 денари за литар, додека маслото за горење ќе чини 79 денари за литар. Цената на мазутот е 39,2 денари за килограм.
