Британскиот министер за Брексит, Дејвид Дејвис, изјави дека не очекува дека Велика Британија ќе ѝ плати 50 милијарди фунти на Европската Унија како дел од излезниот процес. Тој додаде дека ерата на исплати на огромни суми на Брисел е завршена.
Дејвис наведе дека Британија ќе ги исполни сите обврски затоа што е земја која ги почитува законите.
– Немаме добиено никакво барање од Европската комисија. Но, нашето гледиште е едноставно, ќе ги исполниме нашите обврски, ние сме земја која го почитува законот – рече Дејвис за ИТВ.
Тој наведе дека Британија ќе ги исполни своите обврски, но дека не очекува толкав паричен износ бидејќи времето кога Британците ѝ исплаќале на ЕУ големи суми е завршено.
Британските медиуми претходните денови сугерираа дека излегувањето од ЕУ ќе ја чини Британија меѓу 50 милијарди и 60 милијарди фунти.
