Италијанската полиција денеска уапсила осум лица осомничени за шверц на луѓе и фалсификување на документи, јавуваат светските агенции. Водачот на групата, инаку радикален исламист со потекло од Тунис, според информациите, бил уапсен претходно.
Осуммината уапсени, од кои ниту еден не е Италијанец, според италијанската полиција, од компанија за производство на текстил северно од Неапол набавувале лажни договори и листи за плата, со кои потоа обезбедувале работни визи за илегални мигранти.
На чело на криминалната група бил 41-годишниот Мухамед Камел Кемири, од Тунис, кој претходно бил уапсен поради шверц на дрога.
Во соопштението на полицијата било наведено дека Кемири е обвинет и против него се води истрага и за тероризам.
