Најмалку пет ученици се повредени во турскиот град Дијабакир, откако напаѓачите, за кои полицијата се сомнева дека се курдски екстремисти, фрлиле експлозивна направа врз средно училиште.
Регионалниот претставник за образование, Аднан Хурата, истакна дека децата се пренесени во болница и оти никој не е во животна опасност.
Во делови на Дијарбакир е воведен 24-часовен полициски час откако турските сили ги интензивираа нападите против бунтовниците од Работничката партија на Курдистан (ПКК).
Турските организации за заштита на човековите права велат дека од август минатата година досега се убиени повеќе од 160 цивили во судирите на турските сили и на ПКК.
