Се зголемува интересот на компаниите за поголема едукација и за дополнителна обука на вработените, во насока на подобрување на конкурентноста на работната сила и на компаниите во целина.
Националната агенција за европски образовни програми и мобилност ги презентираше новите можности од програмата „Еразмус плус“ за искористување на едукативните програми од бизнис-заедницата.
На работилницата во Стопанската комора беа претставени можностите од новиот конкурс за апцилирање за програмите што ги нуди „Еразмус плус“, за чија реализација Европската комисија стави на располагање 4,7 милиони евра.
Досега шест компании од Македонија ги искористиле можностите што ги нудат овие едукативни програми и, главно, тие се насочени кон програмите за стратешко партнерство за образование за возрасни. Претежно тие се од земјоделската и од информатичката индустрија.
