Најмалку 35 лица загинаа во повеќе бомбашки и самоубиствени напади во Багдад, чија мета биле шиитски квартови.
Најсмртоносниот од нив се случил во северниот кварт Шааб, каде што во експлозија на автомобил-бомба, по која следел и самоубиствен напад, загинале 19 лица, соопштиле безбедносни и болнички извори.
Автомобилот експлодирал во близина на пазар полн со луѓе, а кога не местото на нападот се собрале полицајци и случајни поминувачи, бомбашот-самоубиец го активирал експлозивот.
Во квартот Бунук, бомбата ставена во автомобил убила девет лица, а во три експлозии ранети се најмалку 100, пренесува „Ројтерс“.
Нешто порано, бомбашот-самоубиец убил петмина во дристриктот Каими, во кој се наоѓаат шиитски светилишта.
Во уште една експлозија на бомба во квартот Искан, загинаа двајца луѓе.
