fbpx

Најмалку 16 лица загинаа по истекувањето на гас во Јоханесбург

Екипите за пребарување и спасување сè уште работат низ областа обидувајќи се да го утврдат бројот на жртвите

-

Најмалку 16 лица загинаа, од кои три се деца, кога отровен гас истекол од боца во близина на Јоханесбург во Јужна Африка. Службите за итни случаи изјавуваат дека несреќата најверојатно е поврзана со нелегални рударски активности, пренесува Гардијан.

Службите за итни случаи првично објавија дека дури 24 луѓе може да се загинати во  населбата Анџело во Боксбург. Но, полицијата и премиерот на провинцијата Гаутенг, Пањаза Лесуфи, подоцна изјавија дека бројот на загинати е 16, откако биле пребројани телата. Полицијата соопшти дека трите загинати деца се на возраст од една, шест и петнаесет години. Две лица биле пренесени во болница на лекување.

Екипите за пребарување и спасување сè уште работат во областа, обидувајќи се да го утврдат бројот на жртвите.

Портпаролот на службите за вонредни случаи, Вилијам Нтлади, рекол дека првичните информации на властите посочуваат оти гасот во цилиндрите го користеле нелегални рудари за обработка на злато во објект.

Огромната мрежа на неупотребени рудници за злато во Јоханесбург ја користат „оние лица кои си ја пробуваат среќата“, со надеж дека ќе најдат злато кое потоа се обработува над земја.

Во Јужна Африка работат дури 30.000 нелегални рудари според извештајот на Јужноафриканската Комисија за човекови права, а стотици загинале во уривања на окното во рудникот, истекување на гас и битки меѓу нелегалните рудари и работниците вработени од сопствениците на рудниците.

Вилијам Нтлади тврди дека смртните случаи биле предизвикани од истечена плинска боца што се чувала во барака кај населбата Анџело, но кажува дека истекувањето престанало и дека тимовите пребаруваат на радиус од 100 метри околу цилиндерот за да проверат дали има повеќе жртви.

Растот на нелегално ископување се должи на големата стапка на невработеност и падот на рударската индустрија поради исцрпените резерви, падот на цените на суровините, зголемените трошоци за вработување и несигурното снабдување со електрична енергија.

ИзворThe Guardian

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Синдикатите на пет универзитети најавија протест заради непотпишување на колективниот договор

Вработените на пет универзитети најавија протест за утре како израз на незадоволство што со нив не е потпишан колективен договор. Синдикатите на Универзитетот во Тетово, „Гоце Делчев“ од Штип,...