Гевгелиската полиција поднела кривична пријава против 81-годишниот Д.Ш., осомничен дека во четвртокот минатата недела блудничел врз петгодишно дете, соопшти полицијата.
Според пријавата што надворешната канцеларија за кримининалистички работи од Гевгелија ја поднела до Основното јавно обвинителство Велес, осомничениот се товари за кривичното дело полов напад врз дете.
Како што информираат од полицијата, осомничениот на 2 јули, во период од 16 до 17.30 часот, на нива во атарот на селото Стојаково, извршил блудни дејства врз петгодишно дете.
Судија на претходна постапка од Основниот суд Велес, на осомничениот му одредил мерка притвор од 30 дена.
