Управата за приходи на САД тврди дека наскоро ќе покрене нови обвиненија околу криминалните активности во ФИФА. Американските власти пред неколку дена обвинија 14 лица за рекетирање, перење пари и за примање мито, од кои деветмина беа челници во Светската фудбалска федерација, додека петмина се директори на приватни корпорации, пренесе „Спортмедиа“ (спортмедиа.мк).
– Верувам дека наскоро ќе имаме уште една нова рунда на обвиненија – изјавил Ричард Вебер од американската управа за приходи (ИРС) за „Њујорк тајмс“.
И покрај корупциските скандали со челниците на ФИФА, актуелниот претседател Сеп Блатер на завчерашниот 65. конгрес на организацијата успеа да добие нов петти мандат.
