Србија ја следи ситуацијата во Македонија и во БИХ и ќе направи сè да ги сочува мирот и стабилноста, но нема да се меша во внтарешните работи на своите соседи, изјавил денеска премиерот на Србија, Александар Вучиќ, јавува дописничката на „Мета“ од Белград.
Ова Вучиќ го изјавил по средбата со претседателот на владата на германската покраина Хесен Фолекер Буфије, со кој разговарал за ситуацијата во регионот, и притоа смета дека тоа е коректен став на Србија.
На прашање како ја коментира ситуацијата во Македонија и во БИХ, Вучиќ оценил дека Белград секогаш имал коректни односи со Скопје, но дека никогаш нема да дозволи некој да ја понижува Србија.
„Што се однесува до БИХ, тоа е тешко прашање за нас,“ изјавил Вучиќ и додал дека и на својот соговорник од Германија му рекол дека Србија ќе даде сè од себе за да се сочуваат мирот и стабилноста на регионот, бидејќи тоа е услов за напредок и за доаѓање на нови инвеститори.
