!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Во Египет уапсен новинар на „Ал Џезира“


       
Каиро, 24 декември, 2016 - 16:57 (META) 

Египетската полиција соопшти дека уапсила новинар на телевизијата „Ал Џезира“. Властите во Египет ја обвинуваат телевизијата дека ја поддржува исламската опозиција.

Канцеларијата на обвинителот соопшти дека новинарот Махмуд Хусеин е обвинет за поттикнување насилство, објавување лажни вести и дека припаѓа на забранетото движење Муслимански браќа.

Тој бил уапсен вчера во неговиот дом, неколку дена откако се вратил од одмор, соопштија претставници на телевизијата.

Хусеин најпрво бил запрен и испрашуван на аеродромот во Каиро откако слетал, враќајќи се од патување, но бил пуштен, а по неколку дена полицијата решила да го уапси.