Ѓорге Иванов нема право да се однесува тирански кон својот народ, само за да задоволи на еден човек и неговата фамилија да ги реализираат нивните криминални платформи, стои во реакцијата на СДСМ на интервјуто на претседателот за австрискиот весник „Виенер цајтунг“.
Со тоа Иванов, како што се истакнува во реакцијата, е соучесник во злото што им се нанесува на граѓаните.
„Граѓаните на Македонија имаат свои легитимни претставници во Собранието. Тоа е стабилно парламентарно мнозинство кое е власт во државата! Парламентарното мнозинство има обврска и ќе ги заштити граѓанските и државните интереси, со тоа што ќе ја формира новата реформска влада на унитарна Македонија, во согласност со деловникот, Уставот и со законите. Груевски и ВМРО-ДПМНЕ се опозиција. Иванов нема да ги попречи демократските процеси“, стои во соопштението на СДСМ.
