Земјотрес со јачина од 6,1 степени според Рихстеровата скала денеска ги погоди подрачјата на Чиле и во Перу, соопшти американскиот Геолошки завод.
Епицентарот на земјотресот, кој се случил во 1.51 часот по локално време, бил 33 километри југоисточно од градот Путре, на длабочина од 128 километри. Засега нема информации за материјална штета.
Во земјотресот кој во 2014 година го погоди Чиле, шест лица загинаа, додека речиси еден милион беа евакуирани поради предупредување за цунами. Во Перу во земјотресот во 2007 година загинаа 519 лица, а повредени беа 1.366 лица.
