Социјалдемократскиот сојуз на Македонија (СДСМ) смета дека гласањето на дијаспората треба да се задржи, но со одредени измени, во согласност со укажувањата на меѓународните организации и извештаи, изјави лидерот на опозицијата, Зоран Заев, при денешната средба со жителите на реканскиот крај.
– Нашинците во странство, кои им помагаат на своите семејства, но и индиректно ја крепат и економијата на државата, треба да имаат можност да влијаат и на процесите во државата. Затоа предлагаме решенија што ќе гарантираат демократски промени во гласањето на дијаспората и ќе бидат во интерес на сите граѓани – рече Заев.
Лидерот на најголемата опозициска партија, денеска е во посета на Маврово Ростуше и Центар Жупа, со населените места Требиште, Жировница и Велебрдо, каде попладнево има средби со жителите на овие места.
