По деветгодишно криминално владеење и сите афери во кои е вплеткан, Никола Груевски, очигледно, е непожелна личност, не само за граѓаните на Прилеп, туку и за партиското членство на ВМРО-ДПМНЕ, рече денеска пратеникот на СДСМ, Хари Локвенец.
– Кога веќе зборува за патишта, редно беше Никола Груевски да се изјасни за скандалот со корупција и за провизија од 25 милиони евра за изградба на автопатиштата, споменати во аудиоснимките и во доказите што СДСМ ги изнесе во јавноста. Со 25 милиони евра може да се отворат илјадници работни места за младите во Прилеп и да се реши најголемиот проблем во нашиот град, а тоа е невработеноста – Рече Локвенец.
Тој посочи дека во Прилеп, поконкретно во населбите Тризла 2, Рид и Варош, сè уште има улици без канализација и асфалт и сето тоа може да реши со многу помалку од 25 милиони евра.