Министерството за внатрешни работи информира за четири пријави на семејно насилство во последното деноноќие. Така, во последниот билтен на МВР, има пријава од вчера според која во 13.53 часот, 26 годишна жена пријавила дека во домот на подрачјето на Драчево била физички нападната од нејзиниот 39 годишен сопруг.
Истиот ден, 19.30 часот во СВР Скопје, 60 годишна жена од Скопје пријавила дека околу 09.30 часот на подрачјето на Шуто Оризари, по претходни недоразбирања, била физички нападната од нејзиниот девер С.Ш. (66) од Скопје, кој употребил и тврд предмет.
Во истотот време, 51 годишна жена пријавила дека околу 5 часот во домот на подрачјето на општина Аеродром била физички нападната од нејзиниот партнер М.Т.(52) од Скопје.
Истиот ден, попладне во 19 часот во СВР Скопје, 45 годишна жена пријавила дека околу 14.30 часот во домот на подрачјето на Центар била физички нападната од нејзиниот сопруг М.К. (55) од Скопје.
За сите случаи, МВР информира дека се работи на нивно расчистување.
