Неколку десетици војници од белгиската армија се набљудувани од военото разузнавање затоа што за нив постои сомнеж дека се радикализирани муслимани, јавуваат белгиските медиуми, повикувајќи се на информации од министерот за одбрана, Стевен Вандепјут.
Досега ниту еден војник не бил отстранет од служба поради радикален ислам.
Локалните медиуми јавуваат и дека се спроведувале проверки во однесувањето на лица вработени во белгиската железница.
Неодамна беше соопштено и за случаи на вработени во аеродромот во Брисел, во градскиот транспорт, па дури и во компаниите за чистење уличен смет, кои преминале во радикален ислам.
