Денеска претпладне ќе се чисти фасадата на Порта „Македонија“, најавија преку соопштение од Музејот на македонската борба.
– По неколкунеделното вандализирање на објектот, констатирани се сериозни оштетувања на фасадата, кои стручни служби ќе се обидат да ги санираат – пишува во соопштението.
Чистење на другите споменици вчера најавија и од Градот Скопје. Оттаму информираа дека ќе ги чистат спомениците кои се во нивна надлежност и се наоѓаат во паркот Жена-борец.