Бинали Јилдирим денеска, по неговиот избор за нов лидер на партијата на правдата и развојот (АКП), повика дека Турција треба да премине на претседателски систем на владеење, јавуваат медиумите.
Обраќајќи се на конгресот на партијата, пред и офцијално да биде прогласен за лидер, Јилдирим рекол дека е потребен нов устав, додавајќи дека е време моменталната „де факто ситуација“ да стане и „законита“.
Јилдирим, кој е близок соработник на турскиот претседател Реџеп Таип Ердоган, се очекува како лидер на АКП да биде именува и за нов премиер на Турција.
Промоцијата на Јилдирим, кој претходно беше министер за транспорт, доаѓа откако Ахмет Давутоглу си поднесе оставка поради несогласувањата со Ердоган.
