Турската полиција уапси седум лица, а трагаат по уште пет за кои се смета дека се поврзани со денешниот напад со автомобил бомба во Кајсери, во кој загинаа 13 војници, а 55 се повредени, соопшти турскиот министер за внатрешни работи Сулејман Сојлу.
Автомобилот експлодирал во близина на автобуска станица кај универзитетот во градот, во момент кога покрај него поминувал автобус кој превезувал цивили и воени лица кои не биле на должност.
Турскиот претседател Реџеп Таип Ердоган претходно соопшти дека зад нападот стои „сепаратистичката терористичка организација“ Курдска работничка партија (ПКК) и не ја исклучи можноста таквите напади да се поврзани и со настаните во Ирак и во Сирија.