Турската полиција утринава уапсила 50 лица, вклучувајќи го и поранешен ректор на универзитет поради поврзаност со движењето на исламскиот свештеник Фетулах Ѓулен, кој живее во САД, објави денеска весникот „Хуриет дејли њуз“.
Движењето на Ѓулен во Турција се смета за терористичка организација, која се обидува да го собори претседателот Реџеп Таип Ердоган од власт.
Весникот наведува дека меѓу приведените се поранешниот ректор на универзитетот „Сулејман Демирел“, професорот Хасан Ибиџиоглу, неколкумина претставници на академски институции и бизнисмени.
Се уште се трага по шест лица за кои исто така е издадена наредба за апсење.