Во Лешочкиот манастир, денеска беше осветен мермерен крст поставен во чест на руски монаси. Крстот го освети Архиепископот на Македонската православна црква г.г. Стефан, а е поставен во чест на 35 руски монаси од Валамскиот манастир, кои по Октомвриската револиција во 1926 година пребегнале во Лешочкиот манастир, каде живееле две години.
– Крстот нека биде надеж за ова место, кое со векови било угнетувано и страдало. Дека ние христијаните, нема со што да се фалиме освен со светиот крст – г.г. Стефан.
На чинот на осветувањето прусустваа Митропилитите на Брегалничката епархија г. Иларион, на Тетовско – гостиварската епархија г. Јосиф и на Дебарско – кичевската епархија г. Тимотеј.
Беше присутна и руска делегација и монаси од Валамскиот манастир.
Рускиот амбасадор во Македонија, Олег Николаевич Шчербак, изјави дека крстот е симбол и порака за добрите односи и пријателства меѓу македонскиот и рускиот народ.
– Од Лешочкиот манастир руските монаси почнале да одат по другите манастири во Македонија од каде проповедале христијанство и живееле богоугоден живот. Овој крст нека биде симбол за поклонување и ќе ја покажува нераскинливата духовна врска меѓу двата народа – изјави Николаевич Шчербак
Пред чинот на осветувањето на крстот, архиепископот Стефан со свештенослужители од Македонската православна црква, отслужија божествена литургија во Манастирската црква „Свети Атанасиј“.