Граничната полиција евидентираше уште еден случај на оштетување возило на македонски државјани што летувале во Грција.
Имено, вчера на граничниот премин Богородица, лицето Ј.Ч. од Скопје пријавило дека на 6 септември годинава, во туристичкото место Калитеа, му било оштетено возилото, марка „пежо 207“ со скопски регистарски ознаки, така што на багажникот со остар предмет му била изгребана налепницата „МК“ и со гребење му биле напишани буквите – „SLAV“.Случајот не бил пријавен во грчката полиција.
Ова е дванаесетти случај во оваа туристичка сезона да се оштетуваат возила на македонски државјани кои летуваат во Грција, а регистрирани се и три случаи на кражба на регистарски таблички.