Од почетокот на годината во Европа преку Средоземно Море пристигнале 593.432 имигранти и бегалци, соопшти Меѓународната организација за миграција (ИОМ).
Најмногу имигранти и бегалци примила Грција – 453.912, а во Италија пристигнале 136.408.
Повеќето што пристигнале во Грција се Сиријци (277.899), Авганистанци (76.620) и Ирачани (21.552). Во Италија пристигнале најмногу Еритрејци (35.938), Нигеријци (17.886) и Сомалијци (10.050).
Според ИОМ, од 9 октомври бројот на имигранти и на бегалци во Европа се зголемил за повеќе од 13.000 лица. 3.103 лица загинале во Средоземно Море оваа година во обид да стигнат до Европа.
