Експлозија во станбена зграда се случи денеска во каталонската општина Премија де Мар во Барселона, Шпанија.
Во експлозијата, од која се урнал дел од зградата, повредени се повеќе од 15 лица, а најмалку еден е загинат. Сите жители на зградата се евакуирани.
Според информациите на локалните медиуми, во болница се сместени најмалку 15 лица, а состојбата на двајца од нив е тешка.
Причините и околностите околу инцидентот се разјаснуваат. Од полицијата сметаат дека станува збор за експлозија на гас за домаќинство.