Повеќе од 5.000 лица загинале во борбите во Сирија за време на муслиманскиот свет месец Рамазан, период во кој сите воени судири се забранети, соопшти денеска Сириската опсерваторија за човекови права.
Во периодот од 18 јуни до 16 јули загинале 5.026 лица, меѓу кои најмалку 1.220 цивили.
Во Сирија, граѓанската војна е почната од март 2011 година. Дамаск е вклучен во борбите на многубројни фронтови, против таканаречената умерена опозиција и бројните екстремистички бунтовнички групи, вклучувајќи ја и Исламска држава.
Според процените на Обединети нации, во конфликтот животот го загубиле повеќе од 220.000 лица, а преку 11 милиони се преселени, при што се создаде една од најтешките хуманитарни кризи во светот.