Најмалку 20 лица се убиени во напад на талибански бомбаш-самоубиец на полициската база во западниот дел на Кабул, соопшти авганистанското министерство за внатрешни работи.
„Како резултат на терористички напад, 20 луѓе загинаа, а 29 се повредени“, се наведува во соопштението.
Бомбашот-самоубиец ја активирал бомбата додека чекал ред да влезе во канцеларијата на полицијата.
Авганистанската престолнина во текот на јануари ја потресоа серија самоубиствени напади, вклучувајќи го и нападот на телевизиска станица во кој загинаа седум новинари.