Виетнам ги укинува туристичките визи за пет европски земји за да придонесе за туризмот во земјата, која минатата година ја посетиле речиси осум милиони странци.
Како што се наведува на веб-страницата на владата, посетителите од Велика Британија, Германија, Франција, Италија и од Шпанија од јули нема да имаат потреба од виза за престој во Виетнам до 15 дена.
Одлуката за укинување на туристичките визи ја донесе премиерот Нгујен Тан Дунг.
Визата за Виетнам во моментов не им е потребна на граѓаните на некои членки на Асоцијацијата земји од Југоисточна Азија, на нордиските земји, Русија, Белорусија, Јапонија и на Јужна Кореја.
