Во воздушните напади на градот Рака, седиштето на Исламска држава во Сирија, загинале 25 цивили, меѓу кои и шест деца, соопштила сириската опсерваторија за човекови права, јавуваат светските медиуми.
Засега опсерваторијата не може да потврди кој ги изведува воздушните напади, во кои освен загинати, имало и десетици повредени лица, од кои некои биле во критична состојба.
Воздушните напади на Рака почнале откако претходните денови припадниците на ИД ја истерале сириската војска од провинцијата.
Сириските сили, кои ја имаат поддршката на Русија, во тие напади изгубиле најмалку 40 војници, соопштиле од опсерваторијата.
