Сириецот кој во Германија беше уапсен за планирање бомбашки напад, се самоубил во затворската ќелија во Лајпциг, соопшти министерството за правосудство на Саксонија.
Портпаролот на министерството рече дека 22-годишниот Џабер ал Бакр се убил доцна синоќа, но околностите и понатаму се утврдуваат.
Телото рано утринава е изнесено од затворот во Лајпциг.
Германската полиција го уапси Ал Бакр на 9 октомври, под сомневање дека планирал бомбашки напади.
Германските власти претходно соопштија дека бил поврзан со Исламска држава и се верува дека планирал напад на аеродромот во Берлин.
