Мексиканската полиција издала налог за апсење на 23 поранешни функционери, стражари и полицајци поради наводно помагање во бегството на нарко-кралот Хоакин Гусман, познат како Ел Чапо.
Во изјава што ја даде за Сенатот, државниот обвинител Арели Гомез рече дека уште 10 лица кои учествувале во бегството на Гусман се наоѓаат во своевиден куќен притвор.
Меѓу оние на кои им се суди се наоѓаат и поранешниот координатор на федералниот затвор во Мексико, поранешниот генерален директор, девет набљудувачи од контролната соба во затворот Алриплано и командантот на затворот.
Гусман на 11 јули побегна од државниот затвор со максимален степен за заштита, низ тунел кој водел до неговата ќелија.
Гомез рече дека „тие што му помагале на Гусман да побегне, нема да ја избегнат правдата“.
