Претседателот на Европскиот совет, Доналд Туск, денеска преку „Твитер“ ја осуди одлуката на претседателот Ѓорге Иванов да ги сопре сите судски процеси против политичари.
„На Европа ѝ е потребна стабилна ФИРОМ водена од владеење на правото. Евроатланската иднина на земјата е ставена на ризик“, напиша Туск.
Europe needs a stable FYROM guided by the rule of law. The country's Euro-Atlantic future is at risk
— Donald Tusk (@eucopresident) April 15, 2016
Твитот на Туск е последен во серијата реакции од меѓународната заедница, во кои се оценува дека Иванов со својата одлука ја загрозува интеграцијата на земјата во ЕУ и во НАТО, со тоа што презема чекори спротивни на фундаменатлните европски стандарди, а тоа е владеењето на правото и борбата против корупцијата.
Иванов во своето обраќање до јавноста рече дека политичката криза е произведена и увезена од странство и оти не смее да се дозволи странци да ни ја решаваат состојбата во земјата. Од тие причини, како што рече, сам ја донел одлуката за аболиција, која треба да стави крај на политичката криза, која не успеа да се реши со Договорот од Пржино.
